Бөлүмдөр
Дүйшөмбү, 19-ноябрь
Нарын облусу, Нарын 01.02.2018 08:05

Нарында хоккей боюнча Кыргызстандын чемпионатынын 2-туру өтөт

Turmush -  Нарын шаарындагы Т.Токтосунов атындагы спорт ордосунда 2-3-февраль күндөрү хоккей боюнча Кыргызстандын чемпионатынын 2-туру өтөт. Бул тууралуу чемпионаттын калысы Болотбек Бектемишов билдирди.

Анын айтымында, чемпионатка «Ала-Тоо Дордой», «Ат-Башы», «Чолпон-Ата», «Кыргыз темир жолу», «Учкуч», «Долон» жана «Нур Аке» командалары катышып, 2 топко бөлүнүп оюн көрсөтүшөт.

Буга чейин чемпионаттын 1-туру өтүп, ага аталган командалар катышкан болчу. Үч күнгө созулган мелдеште биринчи топто ойногон «Ала-Тоо Дордой» командасы 6 упай, «Ат-Башы» командасы үч упай топтосо, «Чолпон-Ата» командасы упай алган жок. Ал эми 2-топто ойногон «Кыргыз темир жолу» командасы 9 упай, «Учкуч» командасы 6 упай, «Долон» командасы 3 упай алып, «Нур Аке» командасы упай топтогон жок.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×