Бөлүмдөр
Бейшемби, 26-апрель
Нарын

Нарында кышкы спорттук эстафета оюндары уюштурулду (фото)

Turmush -  Нарын шаарында бүгүн, 5-январда Ташболот Токтосунов атындагы жабык муз аянтында мектеп окуучулары арасында «Кɵӊүлдүү старт» аталышындагы кышкы спорттук эстафета оюндары ɵткɵрүлдү.

Аймактык кабарчы билдиргендей, спорттук иш-чараны Нарын шаардык мэриясы менен Нарын шаарындагы жаштар иштери, дене тарбия жана спорт бөлүмү уюштурган. Ал окуучулардын кɵӊүлдүү эс алуусун камсыздоо максатын кɵздɵйт.

Жаштар иштери, дене тарбия жана спорт бɵлүмүнүн башчысы Рысбек Касымалиевдин айтымында, каалоочулар аталган жабык муз аянтында коньки тээп, эс алып кетишсе болот.

«Мелдешке катышууну каалаган бардык окуучуларга эшик ачык болуп, кышкы спорттун түрлөрү боюнча оюндар уюштурулду. Оюндун жеӊүүчүлɵрүнө кызыктыруучу белектер берилди», - деди Р.Касымалиев.

Эстафетаны уюштурууга Нарын шаардык мэриясы тарабынан 13 миң сом каражат бөлүнгөн.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1728
Көп окулду
Учурда окулуп жатат
10:46,   26.04.2018   ( 11 адам окуп жатат)
×