Бөлүмдөр
Ишемби, 18-ноябрь
69.75    82.23    1.16    KZT 0.21
Нарын

Нарында эгемендүүлүк күнгө карата даярдыктар жүрүп жатат

Turmush -  Нарын шаарында Кыргызстандын эгемендүүлүгүнүн 26 жылдыгына карата даярдыктар жүрүп жатат. Бул тууралуу Нарын мэриясынын басма сөз кызматынын катчысы Элиза Качкымбаева билдирди.

Анын айтымында, эгемендүүлүк күнгө карата иш-чаранын программасы иштелип чыгып, уюштуруу тобу түзүлүп, анын курамына мекеме-ишканалардын жетекчилери жана коомчулуктун өкүлдөрү кирген.

«31-август күнү саат 10:00дө Т.Усубалиев атындагы борбордук аянтта салтанаттуу иш-чара башталып, облус, шаар жетекчилери жана коомчулуктун өкүлдөрү куттуктоолорун айтышат. Андан соң, театрлаштырылган оюн көрсөтүлөт. Ошол эле учурда Ала-Тоо стадионунда ар кандай спорттук иш-чаралар өткөрүлүп, шаардын аймактарындагы эс алуу парктарында спорттук оюндар уюштурулат», - деди ал.

Бул күнү тартип сакчылары шаардагы коопсуздукту сактоо чараларын көрүшөт.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 468
Комментарии
Обсуждения закрыты
Көп окулду
Учурда окулуп жатат
×