Бөлүмдөр
Дүйшөмбү, 21-май
Нарын

Нарын шаарынын 149 жылдыгы белгиленет

Turmush -  Нарын шаарынын 149 жылдык мааракеси 16-сентябрь күнү белгиленип, шаардын бардык аймактарында майрамдык иш-чаралар өткөрүлөт. Бул тууралуу аймактык кабарчыга Нарын шаардык мэриясынан билдиришти.

Маалым болгондой, Нарын шаарынын 5 аймагынын жашоочуларынын жана ошол аймакта жайгашкан мекеме-ишканалардын кызматкерлеринин катышуусунда сейил бактарда улуттук каада-салттарды чагылдыруу боюнча сынак, тамак-аштардын, кол өнөрчүлөрдүн эмгектеринин көргөзмөлөрү, боз үйлөрдүн сынагы жана башка оюн-зоок программалар уюштурулат. Мындан сырткары, Нарын шаарынын 149 жылдыгын белгилөөнүн алкагында 2014-2017-жылдарга Нарын шаарын өнүктүрүүнүн жол картасынын жыйынтыктары боюнча семинар жана улуттук буюм-тайымдардын жасалышын, тамак-аштардын даярдалышын көрсөткөн мастер-класстар, улуттук музыкалык аспаптардын көргөзмөсү, «Тоо койнундагы шаар» аталыштагы сүрөт көргөзмө жана башка кызыктуу иш-чаралар менен коштолгон «Нукура» фестивалы өтөт.

Ал эми, иш-чаранын жабылышы кечки саат 18:00дө борбордук «Ала-Тоо» стадионунда өтүп, анда чөлкөмдөрдөгү сынактын жыйынтыгы чыгарылып, белгилүү ырчылардын катышуусунда чоң программадагы майрамдык концерт тартууланат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2458
×